O Concello de Lousame conmemorará o Día do Libro (este martes 23 de bril) e a Semana do Libro coa celebración de dous obradoiros infantís gratuítos, que están programados para este venres 26 de abril, de 18:30 a 20:30 horas, na Casa da Cultura lousamiá.
Os talleres organizados pola Axencia de Lectura de Lousame están dirixidos a nenas e nenos de 8 a 14 anos. Nun deles aprenderán a elaborar un marcapáxinas e no outro a elaborar unha marioneta. En ambos os dous casos, as inscricións están abertas en www.bandoticket.com.
Solta de libros
A maiores, a Axencia de Lectura de Lousame ten programada unha gran solta de libros para a mañá do venres 26 de abril, en horario de 9:00 a 14:00 horas.
“Temos previsto agasallar máis de 200 exemplares, todos eles procedentes de doazón dos veciños e veciñas para tratar de darlles unha segunda vida a estes libros e que sexan desfrutados por outros lectores e lectoras”, apuntou Silvia Agrafojo, concelleira de Cultura.