Os traballadores de Vitrasa convocan folga indefinida e piden melloras laborais

A folga dos traballadores dos autobuses urbanos de Vigo é indefinida desde hoxe. Os paros víñanse mantendo os venres e sábados desde mediados do pasado mes de novembro pero, a falta de acordo na negociación do novo convenio colectivo, o comité de empresa acordou intensificar as protestas.

Os traballadores reclaman incrementar a estabilidade na contratación e revisar as condicións, os tempos e os descansos no volante. A empresa cualificou o conflito de "totalmente desproporcionado".