A nova xornada entrará en vigor o vindeiro 1 de outubro, unha vez finalice o actual horario de verán, que permanecerá vixente ata o 15 de setembro. Deste xeito, a implantación da xornada de 35 horas realizarase coincidindo practicamente co inicio do horario ordinario de inverno.
O acordo aprobado será presentado este mércores na reunión da Mesa Xeral de Negociación, órgano no que están representados o Goberno municipal e as organizacións sindicais, para dar conta da súa aplicación e abordar os aspectos organizativos necesarios para a súa posta en marcha.
Esta medida adopta as previsións recollidas na normativa estatal publicada no Boletín Oficial do Estado (BOE), pola que se establece a xornada ordin...
