A Xunta de Galicia recupera desde hoxe, venres, 11 de setembro, no Salón Teatro de Santiago de Compostela A serie clopen, a primeira produción propia de circo do Centro Dramático Galego. O espectáculo volve a estar en cartel tras a boa acollida acadada durante a súa estrea na pasada temporada, cando esgotou localidades en practicamente todos os pases. A reposición ofrece oito funcións programadas para os días 11, 12, 13, 16, 17, 18, 19 e 20 de setembro, ás 18:00 horas.
