As actuais salas de cinema en Galicia ofrecen diferentes atractivos para a atracción e fidelización de público. Se durante a pandemia houbo espazos de proxección que pecharon definitivamente, outros continuaron ou acabaron reconvertendo a súa oferta e o seu espazo físico. Actividades paralelas, ciclos especiais, prezos atractivos, fórmulas cooperativas e outras vías de traballo abren posibilidades de permanencia aos espazos de proxección en pantalla grande.
