Preto dun cento de estudantes do IES As Lagoas de Ourense coñeceron o pasado luns, 15 de abril, os escenarios da novela A boca do monte acompañados de Celia Díaz Núñez, a autora da obra literaria publicada pola editorial Galaxia no ano 2016. A obra recrea a construción do túnel de Montefurado no século II, en tempos do emperador Traxano, para recoller o ouro que o Sil arrastraba ao seu paso.
