O Concello de Monterroso (A Ulloa) debate esta quinta feira unha moción contra a construción da celulosa de Altri no veciño municipio de Palas de Rei. Fontes do Consistorio avanzan a Nós Diario que o pleno rexeitará a pasteira. Concellos de todo o país, desde a Ulloa até a ría de Arousa, amosaron estes días o seu desacordo e preocupación arredor do proxecto de Altri na Ulloa.
