A Sección Segunda da Audiencia Provincial de Pontevedra celebrou este martes a primeira sesión do xuízo contra cinco homes acusados de tráfico e venda de haxix, marihuana e cocaína.
Tres dos cinco procesados admitiron a súa participación nos feitos mentres que os outros dous acusados defenden a súa inocencia.
A declaración dos acusados terá lugar na última sesión do xuízo, que foi sinalada para o próximo 12 de maio. Durante a xornada de hoxe os avogados da defensa dos dous acusados que non recoñeceron a súa participación nos feitos expuxeron unha serie de cuestións previas nas que alegan a vulneración dos dereitos fundamentais dos seus clientes durante a instrución desta causa.
